УШТЕ ЕДНА ТУРА
ANOTHER ROUND
режија: Thomas Vinterberg
улоги: Mads Mikkelsen, Thomas Bo Larsen, Lars Ranthe, Magnus Millan
премиера: 17.12.2020
времетраење: 116′
земја: Данска
жанр: Комедија, драма
Постои теорија дека треба да бидеме родени со мало количество алкохол во крвта и дека таа скромна опиеност ни ги отвора умовите кон светот околу нас, намалувајќи ни ги проблемите и зголемувајќи ни ја креативноста. Поттикнати од таа теорија, Мартин и тројца негови пријатели, сите изморени наставници, започнуваат експеримент во обид да одржат постојано ниво на опиеност во текот на работниот ден. Ако Черчил успеал да ја добие Втората светска војна со тешка доза алкохол, кој знае што би можеле да сторат неколку капки за нив и за нивните ученици? Првичните резултати се позитивни и малиот проект на наставниците прераснува во автентична академска студија. Доаѓа до подобрување и во нивните предавања и во резултатите, а групата одново се чувствува живо! Како што продолжуваат со пиењето, едни учесници се подобруваат уште повеќе, додека други пак почнуваат да губат контрола. Сѐ повеќе станува јасно дека иако алкохолот можеби поттикнал големи резултати во историјата, некои смели постапки носат и последици.
